Bjarki Þór Grönfeldt nemandi í 10. bekk færði skólanum stjörnukíki að gjöf. Er
þetta mjög höfðinglegt af honum og eru honum færðar bestu þakkir fyrir. Bjarki sá
að kíkirinn kæmi í góðar þarfir þegar bekkurinn hans fór einn vetrarmorgun í
stjörnuskoðun. Þá var farið út í skóg og reynt að finna stað þar sem ekki voru
mikil áhrif frá öðrum ljósgjöfum en stjörnunum. Nú er því næsta verkefni
kennaranna að æfa sig að nota kíkinn áður en næsta stjörnuskoðunartímabil gengur
í garð þannig að þeir geti leiðbeint nemendum um notkun slíkra gripa.