Ég heiti Gróa Erla Ragnvaldsdóttir og er fædd í Reykjavík 1959. Fyrstu árin bjó ég á Melunum í Reykjavík en fluttist síðan í Austurbæinn í Kópavogi. Þaðan flyt ég í Norðurárdal í Borgarfirði og hef búið þar í 20 ár. Maðurinn minn heitir Birgir Hauksson  og er skógavörður á Vesturlandi. Börnin okkar heita Dagbjört og Haukur.

Ég var mörg sumur í sveit í Borgarfirði. Ég starfaði einnig nokkur sumur hjá Skógrækt ríkisins í Borgarfirði. Ég vann um tíma sem fóstra í Borgarnesi og við Samvinnuháskólann á Bifröst. Þá hef ég unnið fyrir Þroskahjálp á Vesturlandi. Ég hef starfað við  Varmalandsskóla frá árinu 1986. Fyrst sem fóstra og leiðbeinandi en seinna sem almennur kennari og smíðakennari.